Fri. Jul 10th, 2020

Shady R. Abuyusuf

Cambridge Assessment English lead Trainer

لقاء مع سكوت ثورنبيري

1 min read

من المواقف اللى اتعلمت منها كتير في حياتي على المستوى الإنساني هو لقائي مع البروفسير سكوت ثورنبيري في برشلونة سنة ٢٠١٥ في اليوم ده سكوت عزمني في كافيه مغربي عشان يبقي الأكل اللى فيه حلال للمسلمين – رقي وذوق وأخلاق في التعامل مع شخص على غير دينك ومعتقداتك وطريقة حياتك – قبل مانتقابل إتصلت بيه وقلتله أنا قرأت أغلب كتبك ومش متخيل إني أقابلك ومش معايا كتاب وحد ليك آخد عليه الإمضا بتاعتك ، الراجل مشكورا جاب الكتاب ليا هدية ومضاه بنفسه – جبر خاطر طالب علم وأدب وأخلاق فوق العادي – المهم خلال جلستنا لقيته بيقولي يا شادى جامعة كمبريدج عارضة عليا أكتب كتاب في تدريس الأطفال ، قلتله ومالو دى فكرة ممتازة ، قالي: إزاى بس أنا خبرتي ضعيفة في تدريس الأطفال ، أكتب إيه بس ! – تخيل عملاق زي ده ماعندوش مشكله يعترف بنقص خبرته في جانب معين ويرفض التصدر في مجال مش حاسس إنه هيكون مصدر قوته – خلال اللقاء ده لقيته بيبص في موبايله وبيضحك ، قلتله: خير؟ قالي: مدرسة بعتتلي سؤال على الإيميل فلما رديت عليها مكانتش مصدقة وبعتتلي قصيدة شعر كتبتها فيا ، قلتله: إنت حد طيب يا سكوت ، قالي: أنا مش طيب يا شادي ، أنا بشتغل واخد فلوس لو عايز تشوف الطيبين بجد أنا ليا صديق كرس حياته لتدريس الأطفال في مخيمات اللاجئين في فلسطين ، ده تقدر تقول عليه حد طيب – قمة الإنسانية والرحمة اللى للأسف بيفتقدها كتير في مجتمعنا النهاردة… ساعتها إفتكرت آداب إسلامية كتير بقت غايبة عن كتير مننا ومنها كلام ربنا لما قال: (ولاتزكوا أنفسكم هو أعلم بمن اتقي) .

More Stories

Leave a Reply

Chat with Shady whatsapp
%d bloggers like this: